|
| 六月到而家都未試過朝早自然醒...
暑假要教琴教班, 日日返早...
開左學就又係日日返早堂, 得一日返晏,
但都要早起去淺水灣教琴...
星期六日教琴又係返早
今日難得闊太返左台灣, 放我一日假
琴晚仲掙扎緊今朝練琴定訓覺好
最終好奢侈地揀左訓覺...俾自己自然醒一次
結果今朝7:30AM 開始, 屋企同娘親個電話不停響
我特登唔聽, 等佢響多幾次就唔打黎
但係佢...係咁響...係咁響...係咁響...係咁響...係咁響...!!!!!!!!!!!!!!!
響左25分鐘呀大佬........最終我都係爬左起身去聽...
終於安靜左..... 不過我訓唔番.....
!@#$%^&*(*&^$#@#$%^&*&^$%)^%^&*^%$%^&&$R#E@#^&
我琴日已經好乖架啦!!!! piano violin flute 都練哂呀!!!!!!
點解唔俾我訓番一個朝早呀!?!?!?!??!?!?!?
唔通連個天都要我去練琴.....?
唉....最終咪又係爬左起身沖涼返學校練琴......
| | |
| 小熊今日反常呀!!!!!!!!
6:30PM 放工, 竟然等兩個鐘等我落堂去食飯??
一定有D野既, 一定做左虧心事~~!!!XDDD
不過算啦, 平時我都等佢多啦~~ 2個鐘? 閒啦~~
好明顯小熊係因為想打邊爐先等我放工啦
除左我之外, 有邊個會同佢去打邊爐呀??
打邊爐間酒樓勁少人食, 應該就執架啦
之後扯左小熊去食雪花冰, 想食好耐架啦, 一個人食唔哂
榴槤雪花冰, ok好食啦, 不個伴碟既配籵有d求其囉~~
大發現~~~~~
今朝上Chinese Music History堂既時間
我無意中聽到後排同學講上星期SJ super show既內容
驚喜發現同班韓飯~XDD 好野~~有伴發癲啦~~
乜我唔似追星族咩??識我耐D啦, 會發現更多意想不到既野~XDD | | |
| 過氣追星族又出動~~ 上次係幾時呢??
神起? Rain?? 真係唔記得, 總之就係韓星啦~
今次追Super Junior~~ 同Miki 豬豬一齊追~
唔係追機場, 唔係追酒店, 只係去concert 姐~
多得Miki 豬豬, 我地以記者身份入場, $0, 仲要企台前既Standing Zone
完場後先知原來所有Standing Zone 都係$980..
慳左成千蚊呀!!!!!!!!!!!!!! 我愛豬豬!!!!
臨入場前豬豬去左買野飲, 個衰豬竟然買啤酒~
可能真係飲左少少酒, 睇show 勁投入
SJ 搞氣氛超掂, 成個場所有Fans都high 哂
我本來冇打算尖叫架, 反正咁多Fans 叫, 而且我之後兩日又要教琴
結果最後都同豬豬又跳又叫咁玩左成晚
正如豬豬咁講, 好似去左Disco 咁( 雖然我未去過~)
我地企個位同個台好近, SJ member 成日跑過黎...
不過唔係我要既強仁囉!!!佢到臨完場先過黎
反而始源同希澈就成日跑過黎~~
成個Show 勁熱鬧!!!一D悶場都冇~~~!!!
就算要俾錢買飛, 我都覺得值呀!!!!
最可惜就係無帶部單反呀去！！！>.<
完場後11點幾同豬豬去左旺角打冷~~~
傾左好耐心事~~~ 返到屋企已經2AM, UP埋相, 沖埋涼已經4AM...
但我朝早教 9AM 到 10PM 喎.... 結果咪成隻鬼咁去上堂囉......
之後兩日有隻熊呷醋呀!!!!!!XDD
竟然呷SJ 醋?? 有冇搞錯? ^o^/ | | |
| 今日第一次上major老師 屋企學琴
上之前好緊張呀, 好耐冇學琴啦!!!!
而且自己知自己事啦, 少練琴, 又唔係天資聰敏果D喎
所以今日10半落堂就去搵琴房練琴
咁早就full 哂, 灰左...
好彩見到Ken 練完就走, 有琴用~~
諗住練到4PM就去學琴
練到12點, steven 黎左搵我夾琴,
之後Ken 上完major返黎, 搵埋阿芷去食飯
食完飯又4條友仔係琴房度發癲玩ensemble,
結果我total 只係練左兩個半鐘左右就要出發去老師屋企
5PM上堂, 我4:30PM到左
打電話上老師屋企, 冇人聽
企左係條街度食塵, 睇住D人上樓
15分鐘後, 老師打電話黎, 話佢O岩O岩返到屋企
即係頭先我地擦身而過XDD
一開始上堂就傾下計, 講下我個background咁啦
跟住就彈Haydn Sonata 同 Bach Partita 既1st movt 俾佢聽
首Haydn 在學校練到好灰, 因為在學校通常都係用Kawai grand 練
D琴鍵比較重, d scale passage 成日都唔太順
但係老師屋企係Yahama upright, 仲要超輕喎, 難得地極之暢順
彈完啦, 理所當然梗係講左D好野再講D衰野
natural musical sense 好好, 不過可以再多D
手指夠長, 速度力度都夠. 不過未fully utilize, 要再develop 多D
因為我對上一個學超過一年既老師已經8-9年前 (唔計上年跟左9個幾月果個)
而且我又主要彈exam pieces , 所以我彈過既歌唔太多
要彈多D variety 既pieces , 第一個就係Chopin
用一個semester 既時間去enhance 番我既techniqe + tone color
佢問我下年會唔會揀perfermance concentration,
好明確地講唔會, 因為我有個致命既死穴 "背譜障礙症"
佢話呢D係習慣+心理問題, 慢慢嘗試就Okay 架啦~~
仲話如果我係揀compostion, 可以拎D 作品俾佢睇
(話哂佢都係作曲家~~~)
功課係3首 Chopin 既歌, note by note, phrase by phrase勁detail 咁教
比起上年跟果個上堂坐到勁遠邊睇股票邊上堂既阿Sir, 唉, 無得比~XDD
Overall 黎講, 呢個老師真係好似爸爸咁~~~
係佢身上應該會學到好多野 (因為我之前學得太少??)
題外話, 截至今日為止, 我今個星期已經搭左4次的士啦!!! 好貴呀!!!!!!
IT 越上越無癮...超悶...超無聊
Minor Percussion 既老師改左時間, 同我timetable 撞左
無奈地改左minor 做 Harpsichord~~~
| | |
| 開左學一個星期~so far so good, 好多野要記低
<大突破一>
第一個星期我冇遲到喎!!!!!!!(只係走左一個IT Lab )
仲要只係搭左一次的士咋~~~
下星期我要挑戰完全唔搭的士返學, $40 一程好貴... T^T
(死人的士加價加咁多, 以前$32左右架咋!!)
<大突破二>
今個星期去Academic Registry 既次數已然多過我之前三年去既次數啦~~
因為我要搞course exemption, 成功既話, 我可以exempt 7科, total 15個credits 呀!!
<大突破三>
主動揾番之前教我Music Appreciation 既 Prof Brand 講我入左 BA1, 仲傾左陣計
原來佢只係教MA, 冇教BA, 真係要有緣先可以撞見佢啦~
以前見到d prof 即刻掉頭走, 費事佢認得我走佢堂XDDD
<重要事件一>
其他piano major 既同學仔都係名師門生, 有D壓力
不過我唔係focus 在 piano performance, 所以又無乜所謂喎
琴房長期處於緊張狀態, 我未能成功練琴
但係我又唔想返屋企彈我部好似harpsichord 既鋼琴
未來三年既鋼琴老師係國內出名既作曲家+鋼琴家, 好期待與他的初次見面,
希望佢唔會對我失望啦, 亦都希望佢聽得明我半桶水既普通話...-__-"
<重要事件二>
識左1X個同學仔, 大家都係8X年既朋友~XDDD
好多人都係由其他U 既BBA 轉過黎架~~ 睇黎大家都好討厭 BBA 喎~
仲有, 我唔係年紀最大果個~~~好多人同我一樣大/大過我, 小熊唔好再打撃我~~!!!
<重要事件三>
Minor instrument 塵埃落定, Percussion 是也~
本來好想學 harp / Cello 架, 不過冇開班,
所以在 African Drumming 同 Percussion 之間take 左 Percussion
<重要事件四>
有一科叫Music Theory Fundamental , 因為 entrance test 成績好(?) auto exempt 左
剩左一個credit出黎, 唔知take 咩好...
唔想唱chamber choir, 但又唔夠quali 去玩orchestra, 求緊prof 俾我地讀番theory
再次感受到piano major 既孤單&無奈.....
<重要事件五>
意識到自己唔會再有太多時間玩娃, 家人又有數位小姐加入里親行列
最愛的仍然留下來, 其他的將會逐粒放售, 搵過主好人家
<重要事件六>
嚴重地覺得需要搬出黎住....
冇地方放書s, 冇地方放衫s, 冇地方放熊s, 冇地方放娃s,
冇地方練琴, 冇地方溫書, 冇地方訓覺, 冇地方行, 冇地方etc....
不過最大問題係冇錢 + 唔知點樣安置我娘親
好, 打住咁多先, 訓覺~~~~~~~~~
| | |
|
